أفضل حدوته قبل النوم لخطيبتي ولحبيبتي بالعامية 2022

اعتدنا منذ أن كنا أطفالًا على استماع حدوته قبل النوم من آبائنا أو أجدادنًا، واستمرينا في الاستماع لهذه القصص والحواديت حتى أن كبرنا وصرنا لا نلتزم بالاستماع إليها بشكل يومي لانشغالنا بأمورنا الحياتية أو انشغال الآخرين بأمورهم الأخرى، ومع ارتباط الشاب والفتاة في سن المراهقة أو في فترة الخطوبة وما قبل الزواج تعود هذه الأمور الطفولية إلى عقولهم في علاقتهم ببعضهم البعض، فكل منهم يعامل الآخر بلين ولطف وحنية وطرق طفولية مختلفة يعيشها مرة أخرى مع محبوبته من جديد بعدما تركها في الصغر، لذا نستعرض معكم في هذا المقال حدوتة قبل النوم لخطيبتي ولحبيبتي بالعامية.

◄ أقرأ أيضًا :

• حواديت وقصص قبل النوم رومانسية 2022

حدوته قبل النوم لخطيبتي

يبحث الكثير من الشباب والفتيات عن حدوتة قبل النوم لخطيبتي، حتي يشعر محبوبته بأنه شاب ذو جاذبية ورومانسية عالية، وأكثر حنية من جدة محبوبته التي كانت تتلو عليها حدوتة قبل النوم في صغرها، حيث تعتبر هذه الحواديت والقصص من أكثر علامات ومظاهر الحب والاهتمام عند الشباب والفتيات والتي تبرز عطف وعشق وحب كل منهم لدى الآخر.

حدوتة قبل النوم لحبيبتي بالعامية

في السطور التالية نستعرض لكم حدوتة قبل النوم لخطيبتي بالعامية ونقدم لكم حدوتة “سمير والسلحفاء”، وهي تهدف لعدم الكذب وضرورة الاعتراف بالخطأ والمواجهة في أي موقف بشجاعة دون خوف.

حدوتة سمير والسلحفاء

كان في ولد اسمه سمير .. سمير كان ولد لطيف وجميل وبيسمع كلام مامته وباباه .. في يوم من الأيام سمير كان بيلعب في الحديقة.. لقى سلحفاء فالحديقة وهو بيلعب، خدها وراح الحمام عشان يملى ليها مية يشربها ويحطها فالميه شويه يلعب معاها.

فجاه الميه وقعت من الجردل اللي كان بيمليه وغرقت كل أرضية الحمام .. جري سمير  بسرعة على اوضته وساب كل حاجه والسلحفاء كمان في الجردل .. جت مامته تدخل الحمام لقت الحمام كله ميه استغربت جدا ونادت على  سمير بس سمير انكر انه يعرف حاجه وقالها معرفش يا ماما .. طبعا ماما صدقته عشان متعودة منه انه مش بيكدب عليها أبدا هيا علمته الصدق.

طبعا سمير كان في اوضته خايف .. شويه ومامته لقت السلحفاة .. استغربت جدا ايه اللي جاب السلحفاة هنا .. نادت على سمير تاني بس هو أنكر برضه.. شويه وسمير قاعد في اوضته .. حس بالذنب اللي عمله.. وانه المفروض ميزعلش منه مامته  .. وانه لازم مش يكذب ويروح يصارحها فورا باللي حصل.

راح سمير وقال لمامته كل حاجه.. مامته قالتله انا زعلانه منك بس مش عشان خدت السلحفاه ووقعت ميه.. مش وحش انك تعتني بكائن حي فالبيت ولا ان الميه وقعت غصب عنك عادي ممكن تحصل مع اي حد.. اللي زعلني كدبك عليا.

طبعا سمير حس بخطأة وصالح مامته، ومامته قالتله خلاص مش زعلانه منك المهم انك مش تكرر الخطأ  وتتعلم منه كان لازم تقولي عشان حتى الم الميه عشان متأذيش حد ممكن حد يدخل فجاه ويقع، سمير اتأسف وماما قالتلي كمان انا هساعدك في الاعتناء بيها ..

شكر سمير مامته وبكده نتعلم يا اطفال ان منكدبش تاني ونواجه اي خطأ نعمله ونصلحه ..

توتا توتا  خلصت الحدوتة.

إقرأ أيضاً:-

قصص اطفال طويلة قبل النوم مفيده 2022

حدوتة العصفور صوصو 

كان يامكان وما يحلى الكلام إلا بذكر النبي عليه الصلاة والسلام..

كان في عصفورة كبيرة تعيش في عش من القش فوق شجرة عالية مع اولادها الصغيرين وكانت بتطير من وقت لتاني عشان تجيب  الاكل ليهم وترجع تاني بسرعه عشان تأكلهم .. وفي يوم من الأيام راحت العصفورة عشان تدور ع امل وسابت عصافيرها الصغيرين فوق الشجرة .. شوية جت عاصفة كبيرة ووقع عصفور من  العصافير من شدة العاصفه من على الشجرة العاصفه يااطفالي ده هواء شديد جدا.

ولقاه فيل كبير كان معدي يااطفالي  وهو عمال يرتعش من الخوف .. قرب منه الفيل وسأله مالك في ايه مالك خايف كده ليه .. قاله العصفور الصغير وقعت من ع الشجرة وهو يااطفالي خايف خالص وبيعيط ..حاول الفيل مساعدته وجمع أوراق  شجر كانت واقعه على الارض عشان يدفي العصفور الصغير..

مين اللي شاف اللي حصل يااطفالي .. الذئب المكار الشرير وكان عايز ياكل العصفور الصغير صوصو .. قال: دي فرصتي عشان اكل العصفور الجميل ده

والفيل بيجمع أوراق الشجر  من ع الارض عشان يدفي العصفور الصغير  صوصو قال الذئب المكار للعصفور صوصو انا عارف مكان عشك وهقدر اساعدك لكن لازم تتخلص من الفيل الضخم ده

طلب العصفور يااطفالي  من الفيل أنه يروح يجيب له أكل

مشي المسل .. وجيه الذئب المكار وشال العصفور  الصغير وفجأه رماه على الأرض عشان ياكله خاف العصفور من الذئب و صرخ جامد ..

سمع الفيل صوت العصفور صوصو .. وجري بسرعه وضرب الذئب المكار ومسك العصفور الصغير صوصو وخده بعيد عنه

ساعتها اتأسف له العصفور الصغير وحكاله اللي حصل وأن الذئب خدعه بشكله الجميل وفروته الناعمه

رد الفيل على العصفور صوصو وقاله متنخدعش بالمظاهر يا صديقي… بص على الجوهر

يعني ياأطفالي بص على تصرف الشخص معاك ووقوفه جمبك ومواقفه وأخلاقه مش تبص على شكله من بره بس

ومش لازم تامن لاي حد كده بسهوله وتصدقه لازم تتأكد انه صادق الاول

وتوتا توتا خصلت الحدوته حلوه ولا ملتوتة.

حدوتة الكتاكيت الثلاثة كوكو وكاكي وكوكي

كان يا مكان وما يحلى الكلام الا بذكر النبي عليه الصلاة والسلام.
كان في دجاجه عايشه مع اولادها الصغيرين التلاته كوكو وكوكي وكاكي.
كانت كل يوم تسيبهم الصبح بدري في البيت وتروح تجبلهم الاكل وع مايصحوا من النوم تكون جت وجبتلهم الاكل عسان ياكلوا ..
لحد ما الكتاكيت الصغيره كبرت وبدأت تقولهم ايه ..
من النهارده كل واحد هيروح يجيب الاكل بنفسه انتو كبرتوا ولازم تعتمدوا ع نفسكم.
الكتكوت الصغير بقة كوكو كان مدايق اوي ومتنرفز وعايز الاكل يجيله لحد عنده .. لكن ماما قالتله لازم تروح تجيب الاكل لوحدك زي اخواتك انت كبرت لازم تتعود من دلوقت تعتمد ع نفسك لازم مبتبقاش كسول ممكن لما تكبر ومحدش يجيبلك اكل تموت كده من الجوع لازم تفخر بعملك وجهدك العمل هو مصدر كل شىء هو ثروتك بعد كده فالمستقبل
فعلا كوكو اقتنع بكلام مامته وراح بجيب الاكل مع اخواته .

الزوار شاهدوا:

أحدث قصص للأطفال قصيره هادفة مكتوبة 2022

حدوتة عيد ميلاد عمر

كان يا مكان وما يحلى الكلام الا بذكر النبي عليه الصلاة والسلام كان ولد جميل اسمه عمر .. عمر كان ولد جمييل اوي وكان عيد ميلاده زي النهارده صحي من النوم لقى حواليه لعب كتيير اوي فرح عمر وكان مبسوووط اوي .. شويه وفطر مع بابا وماما واخته سلمى وهنوه بعيد ميلاده وقالوله كل سنة وانت طيب ياعمر وهو كمان شكرهم ع الهدايا الجميله اوي .. وماما وبابا بسوه وحضنوه ..
شويه وتيتا وجدو جم وجبوله هديه جميله .. فرح عمر اووي وخد الهدية ع اوضته بعد ما طبعا شكرهم وفتحها وكان مبسوط اوي بيها .. شويه وجيه بليل واصحابه كلهم وقرايبه اتجمعوا وعملوله احلى عيد ميلاد وجبوله هدايا كتتييير جميله اوي وعمر كان مبسوط اوي وفرحان ..ومن فرحته نام واللعب كلها في حضنه

حدوتة الفأر الجشع

حكاية الفأر الجشع ذات مرة ، كان هناك فأر جشع. ذات يوم خرج الفأر الجشع بحثًا عن الطعام. كان من الصعب العثور على الطعام في الخارج حيث أصبح الطقس أكثر برودة. لدرجة أن الفأر لم يتمكن من العثور على طعام لأيام وكان الجلد والعظام. ذهب الفأر الجشع إلى حديقة مزرعة ، بحثًا عن الطعام. أخيرًا شم رائحة الذرة في سلة. أراد أن يقلب السلة أو يتسلقها ، لكنه لم يستطع. كحل ، تمكن من الدخول إلى السلة من خلال الفتحة الصغيرة في أسفل السلة. بدأ الفأر الجشع في أكل الذرة. كان يأكل بسرعة لدرجة أنه كان يعاني من صعوبة في التنفس. بعد أن أنهى الفأر الجشع الذرة ، أراد الخروج ، لكنه لم يستطع. لأنه أصبح سمينًا من تناول الكثير.

“كيف سأخرج من هذه السلة؟” أثناء التفكير. لاحظه جرذ آخر يمر. اقترب من السلة وقال ، “صديقي ، أنت سمين جدًا بحيث لا يمكنك الخروج من هنا. سيكون عليك الانتظار حتى تضعف وتنحيف خصرك. الطريقة الوحيدة لحل هذا. ”